விஷ்ணு விஷால், ஐஸ்வர்யா லட்சுமி நடித்த ’கட்டா குஸ்தி’ என்ற திரைப்படம் கடந்த ஆண்டு டிசம்பர் மாதம் வெளியாகி நல்ல வரவேற்பை பெற்ற நிலையில் இந்த படத்தின் இரண்டாம் பாகம் எப்போது என்பது குறித்த கேள்விக்கு ஐஸ்வர்யா லட்சுமி பதில் கூறியுள்ளார்.

மணிரத்னம் இயக்கத்தில் உருவான ’பொன்னியின் செல்வன்’ திரைப்படத்தில் பூங்குழலி என்ற முக்கியமான கேரக்டரில் நடித்திருப்பார் ஐஸ்வர்யா லட்சுமி. இவர் ’பொன்னியின் செல்வன்’ படத்தின் அனைத்து புரமோஷன் நிகழ்ச்சிகளிலும் கலந்து கொண்டு வருகிறார் என்பது குறிப்பிடத்தக்கது.

அந்த வகையில் புரமோஷன் நிகழ்ச்சி ஒன்றின் போது செய்தியாளர்களிடம் பேசிய அவரிடம் ’கட்டா குஸ்தி 2’ படம் எப்போது என கேட்கப்பட்டது. அதற்கு அதை இயக்குனர் தான் முடிவு செய்வார் என்றும் இரண்டாம் பாகம் எப்போது தயாரானாலும் அதில் தான் நடிகை தயார் என்றும் அவர் கூறியிருந்தார்.

ஐஸ்வர்யா லட்சுமி ஒரு குஸ்தி வீராங்கனை என்பது தெரியாமல் அவரை விஷ்ணு விஷால் திருமணம் செய்து கொண்ட நிலையில் அதன் பிறகு ஏற்படும் பிரச்சனைகளை காமெடியாக அவர் சந்திப்பது தான் ‘’கட்டா குஸ்தி’ படத்தின் கதை என்பது குறிப்பிடத்தக்கது. இந்த படத்தின் இரண்டாம் பாகம் உருவாகுமா? என்பதை பொறுத்திருந்து பார்ப்போம்.