தமிழகத்தில் கடந்த சில மாதங்களாக கொரோனா வைரஸ் தடுப்பூசி போடப்பட்டு வருகிறது என்பதும் கொரோனா வைரஸ் பாதிப்பிலிருந்து அனைவரும் தப்பிக்க வேண்டுமென்றால் அனைவரும் கண்டிப்பாக தடுப்பூசி போட்டுக் கொள்ள வேண்டும் என்ற விழிப்புணர்வு மாநில அரசின் சுகாதாரத்துறை ஏற்படுத்தி வருகிறது என்பது குறிப்பிடத்தக்கது.

அதேபோல் சூப்பர் ஸ்டார் ரஜினிகாந்த் உள்பட பல திரையுலக பிரபலங்கள் தடுப்பூசி போட்டுக் கொண்டதன் புகைப்படத்தை சமூக வலைதளத்தில் பதிவு செய்து தங்களது ரசிகர்களுக்கு தடுப்பூசி குறித்த விழிப்புணர்வை ஏற்படுத்தி வருகின்றனர் என்பது குறிப்பிடத்தக்கது. இதன் காரணமாக ரசிகர்கள் தாங்களும் தடுப்பூசி போட்டுக் கொள்வதாக உறுதி அளித்து வருகின்றனர் என்பது குறிப்பிடத்தக்கது.

அந்த வகையில் தமிழ் திரையுலகின் முன்னணி காமெடி நடிகர்களில் ஒருவரான யோகிபாபு சற்று முன் தடுப்பூசி போட்டுக் கொண்ட புகைப்படத்தை தனது டுவிட்டரில் பதிவு செய்துள்ளார். தான் தடுப்பூசி போட்டுக் கொண்டதாகவும் அனைவரும் பாதுகாப்பாக இருங்கள் என்றும் அவர் அதில் குறிப்பிட்டுள்ளார். மேலும் தடுப்பூசி போட்டுக் கொள்ளும் போது கூட ஸ்டைலாக அவர் போஸ் கொடுத்து உட்கார்ந்திருப்பது அந்த புகைப்படத்தில் இருக்கும் நிலையில் இந்த புகைப்படத்திற்கு லைக்ஸ்கள் குவிந்து வருகிறது.

#GotVaccinated #GetVaccinated #CovidSheild #Staysafe pic.twitter.com/iHZS6n2Lcz

— Yogi Babu (@iYogiBabu) June 14, 2021