ஒய்.ஜி.மகேந்திரன் தாயார் காலமானார்
- IndiaGlitz, [Tuesday,August 06 2019]
நடிகர் ஒய்.ஜி.மகேந்திரனின் தாயார் ராஜலட்சுமி சென்னையில் இன்று காலமானார். அவருக்கு வயது 93
சினிமா மற்றும் நாடக நடிகர் ஒய்.ஜி.மகேந்திரனின் தாயார் ராஜலட்சுமி உடல் நலக்குறைவு காரணமாக சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் சிகிச்சையின் பலனின்றி இன்று காலமானார்.
மறைந்த ராஜலட்சுமி அவர்கள் ஒரு சிறந்த பத்திரிகையாளர் என்பதும் குமுதம் மற்றும் இந்து ஆகிய பத்திரிகைகளில் பணியாற்றியவர் என்பதும் குறிப்பிடத்தக்கது. மேலும் ராஜலட்சுமி சிறந்த கல்வியாளர் என்பதும் இவர் ஆரம்பித்த பத்மா சேஷாத்திரி பள்ளி சென்னை உள்பட பல நகரங்களில் சிறப்பாக செயல்பட்டு வருகிறது என்பதும் குறிப்பிடத்தக்கது
மறைந்த ராஜலட்சுமியின் மறைவிற்கு திரையுலகினர் இரங்கல் தெரிவித்து வருகின்றனர்.