மறைந்த பிரபல நகைச்சுவை நடிகர் விவேக்கின் மனைவி தமிழக முதல்வர் முக ஸ்டாலினை சந்தித்து முக்கிய கோரிக்கை ஒன்றை விடுத்துள்ளதாக செய்திகள் வெளியாகியுள்ளது .

தமிழ் திரையுலகின் முன்னணி காமெடி நடிகர்களில் ஒருவராக இருந்த நடிகர் விவேக், கடந்த ஆண்டு ஏப்ரல் 17ஆம் தேதி திடீரென ஏற்பட்ட மாரடைப்பால் காலமானார். அவரது ஒரு வருட நினைவஞ்சலி சமீபத்தில் அனுசரிக்கப்பட்டது என்பது குறிப்பிடத்தக்கது.

இந்த நிலையில் தமிழக முதல்வர் முக ஸ்டாலின் அவர்களை இன்று தலைமைச் செயலகத்தில் நடிகர் விவேக்கின் மனைவி அருள்செல்வி சந்தித்தார். நடிகர் விவேக் அவர்கள் வாழ்ந்த வீடு அமைந்துள்ள சாலைக்கு விவேக் பெயரை சூட்ட வேண்டும் என்ற கோரிக்கை கடிதத்தை அவர் முதல்வரிடம் அளித்தார்.

முதல்வருடனான இந்த சந்திப்பின்போது விவேக் மகள் அமிர்தா நந்தினி மற்றும் விவேக் பசுமை இயக்கத்தின் நிர்வாகிகள் முருகன், லாரன்ஸ், அசோக் ஆகியோர் உடன் இருந்தனர். விவேக் மனைவியின் கோரிக்கை ஏற்கப்பட்டு அவர் வாழ்ந்த வீடு உள்ள சாலைக்கு அவரது பெயர் வைக்கப்படுமா? என்பதை பொறுத்திருந்து பார்ப்போம்.