நமக்கு அமேசானில் ஆர்டர் போட மட்டும்தான் தெரியும்: விவேக்
- IndiaGlitz, [Saturday,August 24 2019]
உலகிற்கு 20% ஆக்சிஜனை தந்து கொண்டிருக்கும் அமேசான் காடுகள் தீயால் கடந்த சில நாட்களாக எரிந்து கொண்டிருக்கும் நிலையில் இந்த தீ விபத்து குறித்து உலக நாடுகளின் சுற்றுச்சூழல் ஆர்வலர்கள் மிகுந்த கவலையை தெரிவித்து வருகின்றனர்.
இந்த நிலையில் நேற்று அமேசான் காடுகள் அழிந்து கொண்டிருப்பது குறித்து நடிகர் ஜிவி பிரகாஷ் ஒரு டுவீட்டை பதிவு செய்த நிலையில் தற்போது நடிகர் விவேக் ஒரு கருத்தை வெளிப்படுத்தியுள்ளார்.
'நம்மால் அமேசான் காட்டில் எரிந்து கொண்டிருக்கும் தீயை அணைக்க முடியாது. நம்மால் அமேசானில் பொருட்களை வாங்கவும் அமேசான் பிரைம் பார்க்கவும் ஆர்டர் போட மட்டும்தான் தெரியும். ஆனால் நாம் ஒன்றிணைந்தால் ஒன்றை செய்ய முடியும். நாம் இருக்கும் இடத்தில் மரங்களை தொடர்ந்து நடுவதன் மூலம் ஒரு புதிய அமேசான் காடுகளை உருவாக்க முடியும். அமேசான் காடுகளில் எரியும் தீயை அணைக்க வருணபகவான் உதவி செய்ய பிரார்த்தனை செய்வோம்' என்று விவேக் கூறியுள்ளார்.
We can’t stop the blazing fire of Brazil’s Amazon. We know only to “order on amazon n view amazon prime”.But we can do one thing together.We can make our places amazons by planting more n more trees! Letz pray that the present rains there strengthen n extinguish flames out??????
— Vivekh actor (@Actor_Vivek) August 24, 2019