முன்னணி தமிழ் ஊடகம் ஒன்றில் நடிகர் விவேக், தினகரனின் அமமுகவுக்கு பிரச்சாரம் செய்ய மறுத்ததாக செய்தி வெளிவந்துள்ளது. இந்த செய்தியை குறிப்பிட்டுள்ள நடிகர் விவேக், இந்த செய்தியில் கொஞ்சம் சரி, கொஞ்சம் தவறு இருப்பதாக கூறியுள்ளார்.

அந்த பத்திரிகையில் நடிகர் விவேக்கை தினகரன் பிரச்சாரத்திற்கு அழைத்ததாகவும், அதற்கு விவேக் ஒப்புக்கொண்டதாகவும், ஆனால் அமமுக வேட்பாளருக்கு வாக்கு கேட்டு மட்டும் தான் பேசுவதாகவும் அதிமுக உள்பட மற்ற கட்சியை விமர்சிக்க மாட்டேன் என்று கூறியதாகவும் குறிப்பிட்டுள்ளது. மேலும் இதற்கு தினகரன் ஒப்புக்கொள்ளாததால் விவேக் பிரச்சாரம் செய்ய மறுத்ததாகவும் அந்த செய்தியில் குறிப்பிட்டுள்ளது

இதுகுறித்து தனது சமூக வலைத்தளத்தில் நடிகர் விவேக் கூறியிருப்பதாவது: அன்பிற்குரிய தினகரன் பத்திரிக்கை நிருபருக்கு. இன்று நீங்கள் வெளியிட்ட செய்தி கொஞ்சம் சரி கொஞ்சம் தவறு. அமமுக என்னை அழைத்து நான் மறுத்ததாக வந்த செய்தி தவறு. ஆனால் நான் பொதுவானவன் என்பது சரி. டிடிவி தினகரன் உட்பட அனைத்து தலைவர்களும் என் நண்பர்களே என்று கூறியுள்ளார்.