சினிமாக்காரர்களை கூத்தாடி என்று கூறிய நெட்டிசன் ஒருவருக்கு நடிகர் விவேக் தனது டுவிட்டரில் பதிலடி கொடுத்துள்ளார்

நடிகர் விவேக் தனது சமூக வலைத்தளத்தில் அவ்வப்போது ஆக்கபூர்வமான கருத்துக்களை தெரிவித்து வருவார் என்பது தெரிந்ததே. அந்த வகையில் மாணவர்களுக்காக விவேகானந்தர் கூறிய ஒரு கருத்தை அவர் தனது டுவிட்டரில் சில மணி நேரங்களுக்கு முன்னர் பதிவு செய்திருந்தார்

இதற்கு ஒரு நெட்டிசன் விவேகானந்தர் கூறியது எல்லாம் படிக்க மாட்டார்கள் நம் மாணவர்கள் என்றும், அஜித்-விஜய் என்றால் மட்டும் படிப்பார்கள் என்று கூறினார். இந்த பதிவுக்கு கமெண்ட் செய்த ஒரு நெட்டிசன், ‘ஆமாம் கூத்தாடிகள் மக்களை இப்படி ஆக்கி வெச்சிருக்க என்ன விவேக்? என்று கேள்வி எழுப்பியிருந்தார்

இந்த பதிவுக்கு பதிலடி கொடுக்கும் வகையில் நடிகர் விவேக் கூறியதாவது: கூத்தாடின்னு சொல்லீட்டு ஏன் சார் எங்க குடும்ப கூத்தாடிய profile dpயா வச்சிருக்கீங்க? கலைஞர்களை கூத்தாடி என்று நீங்கள் சொல்வதால் நாங்கள் சிறுமைப்படுவதில்லை. பெருமைதான்! அந்த சிவனே மன்றில் ஆடுவது கூத்து தானே! என்று கூறியுள்ளார். நடிகர் விவேக்கின் இந்த டுவீட் தற்போது வைரலாகி வருகிறது.

கூத்தாடின்னு சொல்லீட்டு ஏன் சார் எங்க குடும்ப கூத்தாடிய profile dp யா வச்சிருக்கீங்க??? கலைஞர்களை கூத்தாடி என்று நீங்கள் சொல்வதால் நாங்கள் சிறுமைப்படுவதில்லை. பெருமைதான்! அந்த சிவனே மன்றில் ஆடுவது கூத்து தானே!!???????????????? https://t.co/B0R1qg4WOY

— Vivekh actor (@Actor_Vivek) January 29, 2021