பாரம்பரிய நெல் திருவிழாவில் நடிகர் விஷால்
- IndiaGlitz, [Sunday,June 05 2016]
ஒவ்வொரு வருடமும் தமிழகத்தில் தேசிய அளவிலான பாரம்பரிய நெல் திருவிழா நடைபெறுவது வழக்கம். இதன்படி இந்த வருட பாரம்பரிய நெல் திருவிழா திருவாரூரில் உள்ள நம்மாழ்வார் அரங்கில் நேற்று நடைபெற்றது. இந்த விழாவின் சிறப்பு விருந்தினராக நடிகர் விஷால் கலந்து கொண்டு தமிழக பாரம்பரிய நெல் விவசாயம் குறித்து பேசினார்.
தொடர்ந்து பத்து ஆண்டுகளாக நடைபெற்று வரும் இந்த விழாவில் இவ்வருடம் தமிழகம் மட்டுமின்றி கேரளா, ஆந்திரா, கர்நாடக விவசாயிகளும் கலந்து கொண்டனர்.
நெல் திருவிழாவை ஒட்டி சிறப்பு கண்காட்சி ஒன்றுக்கும் ஏற்பாடு செய்யப்பட்டிருந்தது. இந்த கண்காட்சியில் 150க்கும் மேற்பட்ட நெல் வகைகள் பார்வைக்காக வைக்கப்பட்டிருந்தது. இந்த நெல்வகைகளை நடிகர் விஷால் ஆர்வத்துடன் பார்வையிட்டார் என்பது குறிப்பிடத்தக்கது.