சமீபத்தில் நடிகர் சங்கத்தின் அறக்கட்டளை பதவியை ராஜினாமா செய்த எஸ்.வி.சேகர், மலேசியாவில் நடந்த கலை நிகழ்ச்சிக்கு தனக்கு முறையான அழைப்பு அனுப்பப்படவில்லை என்றும், மலேசிய கலை விழாவில் பல குளறுபடிகள் இருந்ததாகவும், குறிப்பாக மூத்த கலைஞர்கள் மரியாதைக்குறைவாக நடத்தப்பட்டு அவமானப்படுத்தப்பட்டதாகவும் குற்றஞ்சாட்டினார்.

எஸ்.வி.சேகரின் இந்த குற்றச்சாட்டுக்கு விளக்கம் அளித்த நடிகர் சங்க செயலாளர் விஷால், 'எஸ்.வி. சேகர் டிரஸ்டி பதவியில் இருந்து விலகுவதற்கு ஒரு காரணத்தை தெரிவித்துள்ளார். ஆனால் அவர் தெரிவித்துள்ள குற்றச்சாட்டுகளை ஏற்க முடியாது. நட்சத்திர கலை விழாவில் மூத்த கலைஞர்கள் அனைவரையும் அழைத்து உரிய மரியாதை கொடுக்கப்பட்டது' என்று கூறினார்.

மேலும் மலேசியாவில் நடைபெற்ற நட்சத்திர கலை விழாவில் திரட்டப்பட்ட நிதி குறித்து பின்னர் அறிவிப்பு வெளியிடப்படும்' என்றும் அவர் தெரிவித்தார்