கோலிவுட்டின் இளம் நாயகர்களில் ஒருவரான விமல் நடிப்பில் முடிவடைந்துள்ள 'அஞ்சல' விரைவில் வெளியாகும் என எதிர்பார்க்கப்படும் நிலையில் தற்போது அவர் மாப்பிள்ள சிங்கம்' மற்றும் 'மன்னார் வகையறா' ஆகிய படங்களில் நடித்து வருகிறார்.

இந்நிலையில் சமீபத்தில் ஒரு பேட்டியில் கூறிய விமல், 'கிராமத்து கதைகளில் நான் நடித்த படங்கள் தொடர்ந்து வெற்றி பெற்று வருவதால் தொடர்ந்து கிராமத்து கதையம்சம் கொண்ட படங்களில் நடிக்க ஆர்வம் காட்டி வருகிறேன்.

இந்நிலையில் ஒரு படத்தில் முழு வில்லனாக நடிக்கவேண்டும் என்று ஆசை எனக்கு உள்ளது. இதுவரை நான் முயற்சிக்காத வில்லன் வேடத்தை நல்ல ஸ்கிரிப்ட் கிடைத்தால் நடிப்பேன்' என்று கூறியுள்ளார்.

ஏற்கனவே அரவிந்தசாமி, அருண்விஜய் ஆகிய ஹீரோக்கள் வில்லனாகியுள்ள நிலையில் விரைவில் விமலையும் வில்லனாக ரசிகர்கள் பார்க்கலாம் என்பது குறிப்பிடத்தக்கது.