தமிழ் திரை உலகின் இளையதலைமுறை நடிகர்களில் ஒருவரான விமலின் மனைவி ஒரு டாக்டர் என தற்போது தெரியவந்துள்ளதை அடுத்து ரசிகர்கள் ஆச்சரியம் அடைந்துள்ளனர்.

தமிழ் திரை உலகில் சின்ன சின்ன கேரக்டரில் நடித்து அதன் பிறகு ’பசங்க’ என்ற திரைப்படத்தின் மூலம் ஹீரோவாக அறிமுகமானவர் நடிகர் விமல். அதன் பிறகு ’களவாணி’ ’தூங்கா நகரம்’, ‘எத்தன்’ உள்பட பல திரைப்படங்களில் நடித்த இவர் சமீபத்தில் நடித்த ’விலங்கு’ என்ற வெப்தொடர் மிகப்பெரிய வரவேற்பு பெற்றது. தற்போது அவர் சுமார் ஏழு படங்களில் நடித்து வருகிறார் என்பதும் மீண்டும் விமலிற்கு திரைஉலகில் நல்ல வாய்ப்புகள் கிடைத்து வருகின்றன என்பது குறிப்பிடத்தக்கது.

இந்த நிலையில் விமல் தனது உறவினர் பெண்ணான அக்சயா என்பவரை காதலித்து வந்தார். மெடிக்கல் கல்லூரி மாணவியான அக்சயாவுக்கு ஒரு டாக்டரை தான் திருமணம் செய்து வைக்க வேண்டும் என அவரது பெற்றோர் விரும்பினர். ஆனால் விமல் மற்றும் அக்சயா இருவரும் ஒருவரை ஒருவர் தீவிரமாக காதலித்ததால், அக்ஷயாவின் பெற்றோர் சம்மதம் இல்லாமல் முருகன் கோயிலில் திருமணம் செய்து கொண்டனர். திருமணத்திற்கு பின் அக்சயா மருத்துவ கல்லூரி படிப்பை முடித்து டாக்டராகிவிட்டதாக கூறப்படுகிறது.

இந்த நிலையில் விமல்- அக்சயா தம்பதிக்கு மூன்று குழந்தைகள் உள்ள நிலையில் விமலின் திருமண புகைப்படங்கள் தற்போது இணையதளங்களில் வைரல் ஆகி வருகின்றன.