சன் டிவியில் ஒளிபரப்பான ‘எதிர்நீச்சல்’ என்ற தொடரில் ஆதி குணசேகரன் என்ற கேரக்டரில் நடித்த நடிகர் ஜி மாரிமுத்து திடீரென மாரடைப்பு காரணமாக சமீபத்தில் காலமானார். அவரது மறைவு ‘எதிர்நீச்சல்’ சீரியல் குழுவினர்களுக்கு மட்டுமின்றி ஒட்டுமொத்த சின்னத்திரை மற்றும் பெரிய திரை உலகினர்களை பெரும் அதிர்ச்சியை ஏற்படுத்தியது

இந்த நிலையில் இதுவரை எடுக்கப்பட்ட மாரிமுத்துவின் காட்சிகள் தற்போது ஒளிபரப்பாகி வரும் நிலையில் இனி அடுத்த ஆதி குணசேகரன் யார் என்ற கேள்வி ரசிகர்கள் மத்தியில் எழுந்து உள்ளது. இந்த நிலையில் எழுத்தாளர் மற்றும் நடிகரமான வேல ராமமூர்த்தி, ஆதி குணசேகரன் கேரக்டரில் நடிக்க இருப்பதாக ஊடகங்களில் செய்திகள் வெளியானது.

இந்த நிலையில் இது குறித்து வேல ராமமூர்த்தி கூறியபோது ’ஆதி குணசேகரன் கேரக்டரில் நடிக்க வாய்ப்பு வந்தது உண்மைதான். ஆனால் அதே நேரத்தில் நான் திரைப் படங்களில் பிசியாக நடித்துக் கொண்டிருப்பதால் இன்னும் அந்த கேரக்டரில் நடிப்பதை உறுதி செய்யவில்லை, பேச்சுவார்த்தை நடந்து வருகிறது என்று கூறியுள்ளார்.