என்னுடைய சூப்பர் ஹிட் காமெடியை எழுதியது மறைந்த ஜி மாரிமுத்து அவர்கள் தான் என நடிகர் வடிவேலு உருக்கமாக பேட்டி அளித்துள்ளார்.

’எதிர்நீச்சல்’ சீரியலில் நடித்த நடிகர் மாரிமுத்து திடீரென மாரடைப்பு காரணமாக காலமானது பெரும் அதிர்ச்சியை ஏற்படுத்தியது. அவரது மறைவிற்கு ஒட்டுமொத்த திரையுலகமே இரங்கல் தெரிவித்தது.

இந்த நிலையில் நடிகர் வடிவேலு, மாரிமுத்து மறைவு குறித்து உருக்கமாக சில கருத்துக்களை தெரிவித்துள்ளார். ராஜ்கிரண் அவர்களின் அலுவலகத்தில் இருந்த போது நானும் மாரிமுத்துவும் மிகவும் நெருக்கமாக பழகி வந்தோம் என்றும் அவர் தெரிவித்தார்

மேலும் அவர் இயக்கத்தில் உருவான ’கண்ணும் கண்ணும்’ என்ற திரைப்படத்தில் நான் நடித்திருந்தேன் என்றும் ’அடிச்சு கேட்டாலும் சொல்லாதீங்க’ என்ற காமெடியை எழுதியது அவர்தான் என்றும் தெரிவித்தார்

மேலும் இதே படத்தில் தான் கிணத்தை காணோம்’ என்ற காமெடியையும் எழுதியவர் அவர் தான் என்றும் நடிகர் வடிவேலு தெரிவித்துள்ளார். மேலும் அவரது மறைவு தனக்கு மிகுந்த அதிர்ச்சி அளிப்பதாகவும் அவரது குடும்பத்திற்கு எனது ஆழ்ந்த இரங்கல்கள் என்றும் அவர் கூறியுள்ளார்.

"அடிச்சு கூட கேப்பாங்க... கிணத்தை காணோம்"... காமெடியை உருவாக்கியவர்... மாரிமுத்துவின் இழப்பை தாங்க முடியல... Emotional-ஆன வடிவேலு!#Marimuthu | #Vadivelu | #RIPMarimuthu | #Ethirneechal | #AdhiGunasekaran | #NewsTamil24x7 pic.twitter.com/Aq15ycUPEl

— News Tamil 24x7 | நியூஸ் தமிழ் 24x7 (@NewsTamilTV24x7) September 9, 2023