வடிவேலுவுடன் இணைந்து நடித்த பிரபல காமெடி நடிகர் காலமானார்.....!
- IndiaGlitz, [Friday,August 13 2021]
நடிகர் காளிதாஸ் மாரடைப்பு காரணமாக நேற்று மாலையளவில் காலமானார்.
தமிழ் சினிமாவில் பல காமெடிக்காட்சிகளிலும், ஜனனம் போன்ற படங்களில் துணை நடிகராகவும் நடித்தவர் தான் காளிதாஸ். இவர் வடிவேலுவுடன் இணைந்து போலீஸ் கதாபாத்திரத்தில் நடித்த நகைச்சுவை காட்சி ரசிகர்கள் மத்தியில் பிரபலமும் கூட. இதுமட்டுமில்லாமல் ஒருசில வில்லன் கதாபாத்திரங்களிலும் நடித்திருப்பார். இவர் தனியார் தொலைக்காட்சியில் ஒளிபரப்பான 'சூலம்’ என்ற சீரியலில் வில்லன் கதாபாத்திரத்தில் தோன்றியிருந்தார். இந்நிலையில் நேற்று மாலையளவில் அவருக்கு ஏற்பட்ட மாரடைப்பு காரணமான அவர் உயிரிழந்தார். திரைத்துறை பிரபலங்கள் மற்றும் ரசிகர்கள் இவரின் குடும்பத்தாருக்கு ஆழ்ந்த இரங்கல் தெரிவித்து வருகிறார்கள்.