காங்கிரஸ் கட்சியில் இருந்து விலகிய 'இந்தியன்' பட நடிகை!
- IndiaGlitz, [Tuesday,September 10 2019]
கமல்ஹாசன் நடிப்பில் பிரமாண்ட இயக்குனர் ஷங்கர் இயக்கத்தில் கடந்த 1996ஆம் ஆண்டு வெளிவந்த சூப்பர்ஹிட் திரைப்படமான ‘இந்தியன்’ திரைப்படத்தில் நடித்த நாயகிகளில் ஒருவர் ஊர்மிளா.
நடிகை ஊர்மிளா கடந்த மார்ச் மாதம் அப்போதைய காங்கிரஸ் தலைவராக இருந்த ராகுல்காந்தி முன்னிலையில் காங்கிரஸ் கட்சியில் இணைந்தார். அவருக்கு மும்பை வடக்கு தொகுதியில் போட்டியிட காங்கிரஸ் வாய்ப்பும் கொடுத்தது. ஆனால் கடந்த மே மாதம் நடைபெற்ற பாராளுமன்ற தேர்தலில் ஊர்மிளா தோல்வி அடைந்தார். தனக்கு மும்பை காங்கிரஸாரிடம் இருந்து சரியான ஒத்துழைப்பு கிடைக்காததால் தான் தோல்வி ஏற்பட்டது என்ற அதிருப்தியில் இருந்த ஊர்மிளா சற்றுமுன் காங்கிரஸ் கட்சியில் இருந்து விலகுவதாக அறிவித்துள்ளார்.
மும்பை காங்கிரசில் நிலவும் உள்கட்சி அரசியலை எதிர்த்து போராட விரும்பாததால் ராஜினாமா செய்துவிட்டதாக காங்கிரஸ் கட்சியில் இருந்து விலகியதற்கான காரணத்தை நடிகை ஊர்மிளா தெரிவித்துள்ளார் என்பது குறிப்பிடத்தக்கது. இதனையடுத்து காங்கிரஸ் கட்சியில் ஊர்மிளா ஐந்து மாதங்கள் மட்டுமே இருந்துள்ளார் என்பது குறிப்பிடத்தக்கது.