പിയാനോ ബ്ലാക് നിറത്തിലുള്ള കാരവൻ സ്വന്തമാക്കി നടൻ ടൊവിനോ തോമസ്. കേരളത്തിലെ പ്രമുഖ കാരവാൻ നിർമാതാക്കളായ ഓജസിൻ്റെ സ്റ്റേറ്റ്സമാൻ മോഡലിലാണ് നിർമ്മിച്ചിരിക്കുന്നത്. ഡയംലറിൻ്റെ 1017 ബിഎസ് 6 ഷാസിയിൽ കോതമംഗലത്തെ ഓജസ് മോട്ടോഴ്സാണ് ടോവനോയ്ക്ക് കാരവാൻ നൽകിയത്. ആഢംബരത്തിനൊപ്പം സൗകര്യങ്ങളും ഉൾക്കൊള്ളിച്ച് നിർമ്മിച്ച കാരവാന് നിരവധി പ്രത്യേകതകൾ ഉണ്ട്. മിനി തീയറ്ററും സോണിയുടെ 2000 വാട്സ് തകർപ്പൻ ഹോം തീയേറ്റർ മ്യൂസിക് സിസ്റ്റത്തോടൊപ്പം 55 ഇഞ്ച് ടി.വിയാണ് ഇതിനായി സജ്ജമാക്കിയത്. ടോയിലറ്റ്, ബെഡ്റൂം, മേക്കപ്പ് റൂം എന്നിവയും ഉണ്ട്. എയർ സസ്പെൻഷനാണ് വാഹനത്തിനുള്ളത്. അതിനാൽ തന്നെ യാത്രകളും സുഖപ്രദമാവും. 170 ബി.എച്ച്.പി കരുത്തും 520 എന്‍.എം ടോര്‍ക്കും ഉൽപാദിപ്പിക്കുന്ന 3907 സി.സി 4 സിലിണ്ടര്‍ 4ഡി34ഐ ഡീസല്‍ എന്‍ജിനാണ് വാഹനത്തിന്റേത്. റോട്ടേറ്റ് ചെയ്യാവുന്ന ക്യാപ്റ്റൻ സീറ്റുകൾ, രണ്ട് റിക്ലൈനർ സീറ്റുകൾ, റോൾസ് റോയ്സ് കാറുകളുടെ റൂഫിൽ കാണുന്നതു പോലെയുള്ള സ്റ്റാർ ലൈറ്റ് മൂഡ് ലൈറ്റിങ് എന്നിവയുണ്ട്.