சூர்யா நடிப்பில் பாலா இயக்கி வரும் ’வணங்கான்’ என்ற படத்தின் அடுத்த கட்ட படப்பிடிப்பு விரைவில் தொடங்கவிருக்கும் நிலையில் அவர் வரிசையாக பல பிரபல இயக்குனர்களின் படங்களில் நடிக்க உள்ளதாக செய்திகள் வெளியாகிக் கொண்டிருக்கின்றன.

முதல் கட்டமாக ’வணங்கான்’ படத்தை முடித்த உடன் அவர் வெற்றிமாறன் இயக்கத்தில் உருவாகும் 'வாடிவாசல்’ திரைப்படத்தில் நடிக்க உள்ளார். இதனை அடுத்து அவர் சிறுத்தை சிவா, ஞானவேல், மற்றும் சுதா கொங்காரா ஆகியோர் இயக்கும் படங்களிலும் நடிக்க இருப்பதாக கூறப்படுகிறது.

இந்த நிலையில் சூர்யா ஒரு நேரடி இந்திப் படத்தில் நடிக்க இருப்பதாகவும் இதற்கான பேச்சுவார்த்தை தொடங்கி விட்டதாகவும் கூறப்படுகிறது. பிரபல ஹிந்தி பட இயக்குனர் ஃபரூக் கபீர் இயக்கத்தில் நேரடி இந்திப் படத்தில் சூர்யா நடிக்க இருப்பதாகவும் இது குறித்த பேச்சுவார்த்தை தொடங்கி விட்டதாகவும் இந்த படத்தின் படப்பிடிப்பு அடுத்த ஆண்டு தொடங்க வாய்ப்பு இருப்பதாகவும் கூறப்படுகிறது.

இருப்பினும் இந்த படம் குறித்த அதிகாரப்பூர்வ அறிவிப்பு வெளிவந்தால் மட்டுமே இந்த படம் உறுதி செய்யப்படும் என்பது குறிப்பிடத்தக்கது.