சூர்யாவுடன் இணைந்த 'உறியடி' டீம்
- IndiaGlitz, [Wednesday,September 19 2018]
நடிகர் சூர்யா திறமையான கலைஞர்களுக்கு தனது 2D எண்டர்டெயின்மெண்ட் நிறுவனத்தின் பேனரில் வாய்ப்பு கொடுப்பார் என்பது தெரிந்ததே. அந்த வகையில் கடந்த 2016ஆம் ஆண்டு வெளிவந்த 'உறியடி' படத்தின் இயக்குனர் விஜயகுமார் இயக்கும் அடுத்த படத்தை இந்நிறுவனம் தயாரிக்க முன்வந்துள்ளது.
'உறியடி' திரைப்படம் வெளியானபோது எதிர்பார்த்த வசூலை பெறவில்லை என்றாலும், அந்த படம் காலதாமதமாக ரசிகர்களால் பாராட்டப்பட்டது. இதனையடுத்தே 'உறியடி 2' தயாரிக்கும் திட்டம் விஜயகுமாருக்கு ஏற்பட்டது. இந்த படத்தை நடிகர் சூர்யா தயாரிக்க முன்வந்துள்ளதால் இந்த படம் தற்போது முக்கியத்துவம் பெறுகிறது.
'உறியடி 2' படத்தை இயக்குவது மட்டுமின்றி விஜயகுமார் இந்த படத்தில் முக்கிய கேரக்டரிலும் நடிக்கவுள்ளார். செப்டம்பர் 20 முதல் இந்த படத்தின் படப்பிடிப்பு தொடங்கவுள்ளதாகவும் இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு இன்னும் ஓரிரு நாட்களில் வெளிவரும் என்றும் கூறப்படுகிறது