నెల్లూరు లో హీరో సూర్య...
- IndiaGlitz, [Monday,May 30 2016]
త‌మిళ హీరో సూర్య న‌టించిన 24 మూవీ ఇటీవ‌ల రిలీజై విజ‌యం సాధించిన విష‌యం తెలిసిందే. 24 మూవీ కోసం సూర్య సింగం 3 షూటింగ్ కి బ్రేక్ ఇచ్చి 24 ప్ర‌మోష‌న్స్ లో పాల్గొన్నారు. ఆత‌ర్వాత అమెరికాలో 24 స‌క్సెస్ ఎంజాయ్ చేసిన సూర్య ఇటీవ‌ల చెన్నైకి తిరిగివ‌చ్చారు. సూర్య హీరోగా హ‌రి సింగం 3 చిత్రాన్ని తెర‌కెక్కిస్తున్నారు.
ఈ చిత్రంలో సూర్య స‌ర‌స‌న అనుష్క, శృతిహాస‌న్ న‌టిస్తున్నారు. సింగం, సింగం 2 చిత్రాలు సంచ‌ల‌న విజ‌యాలు సాధించ‌డంతో సింగం 3 పై భారీ అంచ‌నాలు ఏర్ప‌డ్డాయి. ఈ నెల 31 నుంచి సూర్య నెల్లూరులో జ‌ర‌గ‌నున్న సింగం 3 షూటింగ్ లో పాల్గొన‌నున్నారు. నెల్లూరులో నాలుగు రోజులు పాటు షూటింగ్ చేసిన త‌ర్వాత వైజాగ్, హైదరాబాద్ లో మ‌రో షెడ్యూల్ ప్లాన్ చేస్తున్నారు. సింగం 3 తెలుగు రాష్ట్రాల్లో ఎక్కువ భాగం షూటింగ్ జ‌రుపుకుంటుండ‌డం విశేషం. శ‌ర‌వేగంగా షూటింగ్ జ‌రుపుకుంటున్న సింగం 3 అంచ‌నాల‌కు త‌గ్గ‌ట్టు సంచ‌ల‌న విజ‌యం సాధిస్తుంద‌ని ఆశిద్దాం.