பெண் பத்திரிகையாளர் தோளில் கை வைத்த விவகாரம்: முன்ஜாமீன் கேட்டு பிரபல நடிகர் மனு தாக்கல்..!
- IndiaGlitz, [Sunday,December 31 2023]
பெண் பத்திரிகையாளர் தோளில் கை வைத்த விவகாரத்தில் தன்னை கைது செய்யாமல் இருக்க பிரபல நடிகர் ஒருவர் முன்ஜாமீன் கேட்டு மனு தாக்கல் செய்துள்ளதாக தகவல் வெளியாகியுள்ளது.
ஷங்கர் இயக்கத்தில் உருவான ’அந்நியன்’ உட்பட பல தமிழ் படங்களிலும் ஏராளமான மலையாள படங்களிலும் நடித்தவர் நடிகர் சுரேஷ் கோபி. பாஜக பிரமுகரான இவர் மாநிலங்களவை உறுப்பினராக இருந்த நிலையில் சமீபத்தில் அவர் செய்தியாளர்களை சந்தித்தார்.
அப்போது கேள்வி கேட்ட பெண் பத்திரிகையாளர் ஒருவர் தோளில் நடிகர் சுரேஷ் கோபி கை வைத்த நிலையில் அந்த பெண் கையை தட்டி விட்ட போதிலும் மீண்டும் அவர் தோளை தொட்டு பேசினார். இது தொடர்பான வீடியோ சர்ச்சைக்கு உள்ளான நிலையில் அதன் பிறகு அவர் மன்னிப்பு கேட்டார்.
இந்த நிலையில் அந்த பெண் செய்தியாளர் காவல் நிலையத்தில் சுரேஷ்கோபி மீது புகார் அளித்துள்ள நிலையில் போலீசார் இதுகுறித்து வழக்குப்பதிவு செய்து விசாரணை செய்து வருகின்றனர். இந்த வழக்கில் தன்னை கைது செய்யாமல் இருக்க கேரள ஐகோர்ட்டில் முன்ஜாமின் கேட்டு நடிகர் சுரேஷ் கோபி மனு தாக்கல் செய்துள்ளதாகவும் இந்த மனு விரைவில் விசாரணைக்கு வர இருப்பதாகவும் தகவல் வெளியாகி உள்ளது.