நீ வேற லெவல் நண்பா: விஜய் நெருங்கிய நண்பரின் க்யூட் வீடியோ
- IndiaGlitz, [Thursday,August 20 2020]
தளபதி விஜய்யின் நெருங்கிய நண்பர்கள் அவ்வப்போது அவரைப் பற்றிய கருத்துக்களை டுவிட்டுகள் மூலமும் வீடியோக்கள் மூலமும் தெரிவித்து வருவார்கள் என்பது தெரிந்ததே. அந்த வகையில் நடிகர் ஸ்ரீமன், தளபதி விஜய்யின் நண்பர்களில் ஒருவர் என்பது அனைவரும் அறிந்ததே. ஏற்கனவே இவர் தளபதி விஜய்யுடன் பல திரைப்படங்களில் நடித்துள்ள நிலையில் தற்போது ’மாஸ்டர்’ திரைப்படத்திலும் ஒரு முக்கிய கேரக்டரில் நடித்துள்ளார் என்பது குறிப்பிடத்தக்கது
இந்த நிலையில் நடிகர் ஸ்ரீமன் தனது சமூக வலைத்தளத்தில் விஜய் நடித்த ’நண்பன்’ படத்தில் இடம்பெற்ற ’ஆல் இஸ் வெல்’ என்ற வசனம் கொண்ட நேர்மறை எண்ணங்கள் பரப்பும் விதமான வீடியோ ஒன்றை பதிவு செய்துள்ளார். இந்த வீடியோவில் அவர் தெரிவித்துள்ளதாவது
நீ வேற லெவல் நண்பா. செம க்யூட்டான க்ளிப். இந்த வீடியோவில் வெளிப்படுத்தியிருக்கும் உணர்ச்சிப்பூர்வமான நடிப்பைத் தாண்டி இதில் சொல்லப்பட்டிருக்கும் கருத்துகள் என்னை மிகவும் கவர்ந்தன. என் நண்பர் ஒருவர் எனக்கு இதனை அனுப்பி வைத்திருந்தார். அதைப்பார்த்து பாசிட்டிவ்வாக உணர்ந்தேன். நாம் அனைவரும் எஸ்.பி.பி.க்காக கூட்டுப் பிரார்த்தனையில் இன்று மாலை 6 மணிக்கு ஈடுபடுவோம். விரைவில் கொரோனாவில் இருந்து உலகம் விடுபடட்டும்” என்று பதிவு செய்துள்ளார். நடிகர் ஸ்ரீமனின் இந்த பதிவும் விஜய்யின் வீடியோவும் வைரலாகி வருகின்றது
U are vera level”NANBA”Semma cute clip. Why I felt like posting,it’s not about cute expressions,saw it in friend’s status message, I personally felt so positive when I saw it. let us all pray today for SPB SIR kootu prathanai at 6 pm. Let the world be free from corona soon https://t.co/3RGZOwvO9C
— actor sriman (@ActorSriman) August 20, 2020