லைட்டா தலைவர் சாயல் தெரியுதே: அட.. நம்ம சூரியா.. மதுரை டு லாஸ் ஏஞ்சல்ஸ்..
- IndiaGlitz, [Saturday,July 13 2024]
நடிகர் சூரி தனது இன்ஸ்டாகிராம் பக்கத்தில் அமெரிக்காவின் லாஸ் ஏஞ்சல்ஸ் நகரில் இருக்கும் புகைப்படத்தை பதிவு செய்துள்ள நிலையில் இந்த புகைப்படத்திற்கு லைட்டா தலைவர் சாயல் தெரியுதே என்பது உட்பட ஏராளமான கமெண்ட்கள் பதிவாகி வருகிறது.
கடந்த பல ஆண்டுகளாக தமிழ் திரை உலகின் காமெடி நடிகராக ஜொலித்து வந்த சூரி, சமீப காலமாக ஹீரோவாக நடித்து வருகிறார் என்பது தெரிந்தது. அவர் ஹீரோவாக நடித்த வெற்றிமாறனின் ’விடுதலை’ திரைப்படம் நல்ல வெற்றி பெற்ற நிலையில் சமீபத்தில் வெளியான ’கருடன்’ திரைப்படமும் வசூலில் சாதனை செய்தது. இந்த நிலையில் அவர் ’விடுதலை 2’ ‘கொட்டுக்காளி’ உள்பட ஒரு சில படங்களில் ஹீரோவாக நடித்து வருகிறார் என்பதும் இனி அவர் தொடர்ச்சியாக ஹீரோவாக தான் நடிப்பார் என்றும் கூறப்படுகிறது.
இந்த நிலையில் சற்றுமுன் சூரி தனது இன்ஸ்டா பக்கத்தில் அமெரிக்காவின் லாஸ் ஏஞ்சல்ஸ் நகரில் இருக்கும் புகைப்படத்தை பதிவு செய்த நிலையில் இந்த புகைப்படத்திற்கு ஏராளமான கமெண்ட்ஸ் பதிவாகி வருகிறது.
’யாரெல்லாம் ஒரு நிமிஷம் ரஜினி சார் என்று நினைத்தீர்கள்’ என்றும் ’சாதிக்க பிறந்தவனின் சத்தம் பெரிதாக தான் இருக்கும்’ என்றும் ’நம்ம பரோட்டா சூரி அண்ணாவா இவர்? கருடன் படத்தில் செமயா நடித்திருக்கிறார்’ என்றும் ’அடையாளமே தெரியவில்லை, லைட்டா தலைவர் சாயல் தெரிகிறது’ என்றும், ’மதுரை டு லாஸ் ஏஞ்சல்ஸ்’ என்றும் பலவிதமான கமெண்ட்கள் பதிவாகி இருக்கிறது.