மகன், மகள் பெயரில் ரொக்கமாக கொரோனா நிதி கொடுத்த நடிகர் சூரி!
- IndiaGlitz, [Friday,June 04 2021]
தமிழக அரசு எடுத்துவரும் ஆக்கப்பூர்வமான கொரோனாவுக்கு எதிரான நடவடிக்கைக்கு ஆதரவு தரும் வகையில் தமிழ் திரையுலக பிரபலங்கள் பலர் நிதி உதவிகளை செய்து வருகிறார்கள் என்பதை அவ்வப்போது பார்த்து வருகிறோம். சூப்பர் ஸ்டார் ரஜினிகாந்த், அஜித் உள்பட பல திரையுலக பிரபலங்கள் தமிழக அரசுக்கு நிதி உதவி செய்து வருகின்றனர்
இந்த நிலையில் சற்று முன்னர் நடிகர் சூரி தனது பங்காக ரூபாய் 10 லட்சம் மற்றும் தனது மகன் மகள் சார்பாக ரூபாய் 25,000 கொடுத்துள்ளார். கொரோனா தடுப்பு பணிகளை மேற்கொள்ள மாண்புமிகு தமிழக முதல்வர் பொது நிவாரண நிதிக்காக நடிகர் சூரி அவர்கள் ரூபாய் 10 லட்சத்துக்கான காசோலையையும், அவரது மகள் வெண்ணிலா மற்றும் மகன் சர்வான் சார்பாக ரூபாய் 25,000 ரொக்கத்தையும் அளித்துள்ளார்
இந்த தொகை மற்றும் காசோலையை நடிகர் சூரி, சேப்பாக்கம் தொகுதி எம்எல்ஏவும் நடிகருமான உதயநிதி அவர்களை நேரில் சந்தித்து வழங்கி உள்ளார் என்பது குறிப்பிடத்தக்கது. இதுகுறித்த புகைப்படங்கள் தற்போது இணையதளங்களில் வைரலாக வருகிறது.
நடிகர் அண்ணன் @sooriofficial அவர்கள் ரூ.10 லட்சத்துக்கான காசோலையையும், தன் மகள் வெண்ணிலா - மகன் சர்வான் சார்பில் ரூ.25 ஆயிரத்துக்கான ரொக்கத்தையும் கொரோனா தடுப்பு பணிக்காக முதல்வரின் பொது நிவாரண நிதிக்கு இன்று என்னிடம் வழங்கினார். சூரி அண்ணன் அவர்களுக்கு என் அன்பும் நன்றியும். pic.twitter.com/uoAoFSFSCX
— Udhay (@Udhaystalin) June 3, 2021