அண்மையில் தான் பீஸ்ட் படத்தின் ஃபஸ்ட்லுக் மற்றும் டைட்டில் போஸ்டர்கள் அடுத்தடுத்த வெளியாகி, சமூகவலைத்தளங்களை ஆட்சி செய்தது.

கோலமாவு கோகிலா, டாக்டர் உள்ளிட்ட படங்களை இயக்கிய இயக்குனரான நெல்சன் திலீப் குமார் தான், தளபதி விஜயின் ‘ பீஸ்ட்’ திரைப்படத்தை இயக்கிவருகிறார். சன் பிக்சர்ஸ் தயாரிக்கும் இத்திரைப்படத்தில், பூஜா ஹெக்டே நாயகியாகவும், வில்லனாக பிரபல இயக்குனர் செல்வராகவன் அவர்களும் இணைந்துள்ளனர். விடிவி கணேஷ், யோகி பாபு, ஷைன் டாம் சாக்கோம், லிலிபுட் ஃபரூக்கி, அபர்ணா தாஸ், அன்குர் அஜித் விகால் உள்ளிட்ட நட்சத்திரங்களும் இப்படத்தில் நடித்து வருகிறார்கள். இசையமைப்பாளர் அனிருத் இப்படத்திற்கு இசையமைக்கிறார். பீஸ்ட் திரைப்படத்தின் முதற்கட்ட படப்பிடிப்பு ஜார்ஜியாவிலும், 2-ஆம் கட்ட படப்பிடிப்பு சென்னையிலும், மூன்றாம் கட்ட படப்பிடிப்பு ஈசிஆர்-ம் நடைபெற்று முடிந்தது.

இந்த நிலையில் பீஸ்ட் படக்குழுவுடன், நடிகர் சிவகார்த்திகேயனும் இணையவிருப்பதாக தகவல்கள் வெளியாகியுள்ளது. இதில் இவர் நடிக்கவில்லையாம், அதற்கு மாறாக அவரே ஒரு பாடலை எழுதி பாட இருக்கிறார் என்று சினிமா வட்டாரங்கள் கூறுகிறது.

நெல்சன் இயக்கியுள்ள கோலமாவு கோகிலா படத்தில், "கல்யாண வயசு வந்திடுச்சு டி", டாக்டர் படத்தில் ‘செல்லம்மா’, ‘சோ பேபி’ உள்ளிட்ட பாடல்களையும், சிவா தான் எழுதியிருந்தார். இவை அனைத்துமே சூப்பர் டூப்பர் ஹிட் என்று சொல்லும் அளவிற்கு ரசிகர்கள் மத்தியில் வரவேற்பை பெற்றது. இதேபோல் பீஸ்ட் படத்திலும், இவர் பாடல் எழுதியுள்ள செய்தி ரசிகர்களை உற்சாகப்படுத்தியுள்ளது. கூடிய விரைவில் அதிகாரப்பூர்வ அறிவிப்புகள் வெளியாகும் என ரசிகர்கள் எதிர்பார்த்து காத்துக்கிடக்கிறார்கள்.