தமிழ் திரை உலகில் எந்த பின்னணியும் இல்லாமல் உழைப்பால் மற்றும் திறமையால் மட்டுமே சாதித்தவர்கள் ஒரு சிலர் மட்டுமே இருக்கும் நிலையில் அவர்களில் ஒருவர் நடிகர் சிவகார்த்திகேயன் என்பது குறிப்பிடத்தக்கது. விஜய் டிவியில் தொகுப்பாளராக இருந்து பல நிகழ்ச்சிகளை தொகுத்து வழங்கிய சிவகார்த்திகேயன், தமிழ் திரையுலகில் ’மெரினா’ என்ற திரைப்படத்தின் மூலம் ஹீரோவாக அவதாரம் எடுத்தார். அதன்பின் அவர் 3, மனம் கொத்தி பறவை, கேடி பில்லா கில்லாடி ரங்கா, எதிர்நீச்சல், காக்கி சட்டை, ரஜினி முருகன், கனா, நம்ம வீட்டு பிள்ளை என தொடர் வெற்றி படங்களை கொடுத்து வருகிறார்.

தற்போது தமிழ் சினிமாவில் ஒரு தவிர்க்க முடியாத நடிகராக உள்ளார் என்பதும், அவரது திரைப்படங்களுக்கு விநியோகஸ்தர் மத்தியில் நல்ல வரவேற்பு உள்ளது என்பதும் வசூல் அளவில் அவரது திரைப்படங்கள் அனைத்தும் திருப்தியாக உள்ளது என்பதும் குறிப்பிடத்தக்கது.

இந்த நிலையில் நடிகர் சிவகார்த்திகேயன் கடந்த 2010ஆம் ஆண்டு ஆர்த்தி என்பவரை திருமணம் செய்து கொண்டார். இந்த தம்பதிக்கு ஒரு பெண் குழந்தை உள்ளது என்பது குறிப்பிடத்தக்கது. இந்நிலையில் சிவகார்த்திகேயன் - ஆர்த்தி திருமண வீடியோ தற்போது இணையதளங்களில் வைரலாகி வருகிறது. இந்த வீடியோவை அவரது ரசிகர்கள் ரசித்து, இணையதளங்களில் பகிர்ந்து வருகின்றனர் என்பது குறிப்பிடத்தக்கது.