இந்தியா என்ற பெயரை பாரத் என மாற்றுவது குறித்து கேட்ட கேள்விக்கு இது இப்போது தேவையில்லாத ஆணி என பிரபல நடிகர் ஒருவர் பதில் அளித்தது பரபரப்பை ஏற்படுத்தி உள்ளது.

இன்று உலக தற்கொலை தடுப்பு தினத்தை முன்னிட்டு சென்னையில் உள்ள தனியார் அமைப்பு விழிப்புணர்வு நிகழ்ச்சிகளை நடத்தியது. மேலும் வாக்கத்தான் ஓட்ட போட்டி நடைபெற்ற நிலையில் இந்த போட்டியை நடிகர் சித்தார்த் துவக்கி வைத்தார்.

இதனை அடுத்து அவர் செய்தியாளர்களிடம் பேசிய போது ’தற்கொலை தடுப்பு விழிப்புணர்வு குறித்தும், ஓட்ட போட்டி குறித்தும் தனது கருத்தை தெரிவித்தார். அப்போது இந்தியாவின் பெயர் பாரத் என மாற்றப்பட உள்ளது குறித்த கேள்விக்கு பதில் அளித்த அவர் ’நாம் எல்லோருமே இந்தியாவில், சென்னையில் தான் கூடி இருக்கின்றோம், இப்போது நடக்கிற நிகழ்ச்சி பற்றி மட்டும் பேசுவோம்

எதற்காக வந்திருக்கிறோமோ அது பற்றி மட்டும் பேசுவோம் என்று கூறிய அவர், யார் எந்தப் பெயர் வைத்தார்கள் என்பதெல்லாம் தேவையில்லாத ஆணி’ என்று கூறினார் அவரது பதில் பரபரப்பை ஏற்படுத்தி உள்ளது.