நடிகர் சித்தார்த் காலமானதாக வீடியோ: புகாருக்கு யூடியூப் அளித்த அதிர்ச்சி பதில்!
- IndiaGlitz, [Monday,July 19 2021]
நடிகர் சித்தார்த் காலமானதாக யூடியூபில் வீடியோ ஒன்று வெளியானதற்கு சித்தார்த் புகார் அனுப்பியதற்கு அதிர்ச்சி பதில் ஒன்றை யூடியூப் நிர்வாகம் அனுப்பி உள்ளது.
கடந்த சில ஆண்டுகளுக்கு முன்னர் யூடியூப் வீடியோ ஒன்றில் இளம் வயதில் காலமான திரை உலக பிரபலங்கள் என்ற தலைப்பில் வீடியோ ஒன்று வெளியாகி இருந்தது. அதில் நடிகை சௌந்தர்யா உள்பட பலரது விவரங்கள் குறிப்பிடப்பட்டு இருக்கும் நிலையில் அதில் நடிகர் சித்தார்த்தும் இளம் வயதில் காலமானதாக குறிப்பிட்டிருந்தது.
இந்த வீடியோ தனது கவனத்திற்கு வந்ததும் உடனடியாக நடிகர் சித்தார்த் புகார் ஒன்றை யூடியூப் நிர்வாகத்திற்கு அனுப்பினார். அந்த புகாருக்கு பதில் அளித்துள்ள யூடியூப் நிர்வாகம் இந்த வீடியோவில் எந்த பிரச்சனையும் இல்லை என்று பதில் அளித்துள்ளது. இந்த பதிலுக்கு ’அடப்பாவிகளா’ என்று சித்தார்த் தனது டுவிட்டரில் பதிவு செய்து தனது அதிருப்தியை தெரிவித்துள்ளார் என்பது குறிப்பிடத்தக்கது.
நடிகர் சித்தார்த் தற்போது ’மஹா சமுத்திரம்’ ’இந்தியன் 2’ ’டக்கர்’ ’நவரசா’ ஆகிய திரைப்படங்களில் நடித்து வருகிறார் என்பது குறிப்பிடத்தக்கது.