சென்னை ஆர்.கே.நகர் தொகுதியில் சுயேட்சையாக போட்டியிட்டு அபார வெற்றி பெற்ற டிடிவி தினகரன் அணிக்கு பெரும்பாலான அதிமுக எம்.எல்.ஏக்கள் மற்றும் எம்பிக்கள் விரைவில் வருவார்கள் என்று எதிர்பார்க்கப்படுகிறது.

இந்த நிலையில் நடிகரும் தினகரன் ஆதரவாளருமான செந்தில் இன்று செய்தியாளர்களை சந்தித்து அதிமுகவினர்களுக்கு கோரிக்கை ஒன்றை வைத்துள்ளார். அதிமுக எம்.எல்.ஏக்கள் மற்றும் எம்பிக்கள் சிந்திக்க வேண்டிய நேரம் இது. எங்கள் அணிக்கு வாருங்கள், நாம் அனைவரும் அண்ணன் தம்பி போல ஒற்றுமையாக கட்சியை வழிநடத்தி செல்வோம். மக்களின் ஆதரவு வேண்டுமென்றால் இந்த பக்கம் வாருங்கள், காசு தான் முக்கியம் என்றால் அந்த அணியிலேயே இருந்து கொள்ளுங்கள் ' என்று கூறினார்

மேலும் தற்போதைய பொறுப்பில் உள்ளவர்கள் அனைவரும் ஜெயலலிதாவால் நியமனம் செய்யப்பட்டவர்கள். இவர்களில் ஒருவரை கூட கட்சியில் இருந்து விலக்க யாருக்கும் தகுதி இல்லை' என்று கூறினார்.