நடிகர், நாடக ஆசிரியர் கிரேஸி மோகன் காலமானார்
- IndiaGlitz, [Monday,June 10 2019]
பிரபல நகைச்சுவை நடிகர், கதாசிரியர், வசனகர்த்தா, நாடக ஆசிரியர் என பல்திறமை கொண்ட கலைஞர் கிரேஸி மோகன் சற்றுமுன் காலமானார். அவருக்கு வயது 66
நடிகர் கிரேஸிமோகன் சிலமணி நேரங்களுக்கு முன் நெஞ்சுவலியால் பாதிக்கப்பட்ட நிலையில் அவர் உடனடியாக சென்னையில் உள்ள தனியார் மருத்துவமனையில் அனுமதிக்கப்பட்டார். அவருக்கு மருத்துவர்கள் தீவிர சிகிச்சை பிரிவில் சிகிச்சை அளித்து வந்த நிலையில் சிகிச்சையின் பலனின்றி அவர் காலமானார்.
அபூர்வ சகோதரர்கள், மைக்கேல் மதனகாமராஜன், இந்திரன் சந்திரன், மகளிர் மட்டும், சதி லீலாவதி, அவ்வை சண்முகம், போன்ற கமல்ஹாசன் படங்கள் உள்பட பல திரைப்படங்களுக்கு கிரேஸி மோகன் திரைக்கதை வசனம் எழுதியுள்ளார். அதேபோல் பல திரைப்படங்களிலும், தொலைக்காட்சி நாடகங்களிலும் மேடை நாடகங்களிலும் நடித்துள்ளார் என்பது குறிப்பிடத்தக்கது