நடிகர் சந்தானம் வளர்க்கும் தாடியின் ரகசியம்?
- IndiaGlitz, [Thursday,September 10 2015]
கடந்த சில வருடங்களாக காமெடி நடிகர்களில் முன்னணி இடத்தில் இருந்து வந்த நடிகர் சந்தானம், 'இனிமே இப்படித்தான்' படத்திற்கு பின்னர் கிட்டத்தட்ட முழுநேர ஹீரோவாகவே மாறிவிட்டார். இந்நிலையில் இதுவரை க்ளீனாக ஷேவ் செய்த லுக்கில் மட்டுமே பல படங்களில் தோற்றமளித்த சந்தானம், முதல்முறையாக தாடியுடன் கூடிய தோற்றத்திற்கு மாறியுள்ளார்.
நேற்று முதல் இணையதளங்களில் சந்தானம் தாடியுடன் கூடிய ஸ்டில் மிக வேகமாக பரவி வருகிறது. இதுகுறித்து விசாரித்தபோது, சந்தானம் நடிக்கவுள்ள அடுத்த படத்திற்கான கெட்டப் இது என்று தெரிய வந்தது. லொல்லுசபா' புகழ் ராம்பாலா இயக்கவுள்ள ஒரு படத்தில் சந்தானம் நடிக்கவுள்ளதாகவும், அந்த படத்திற்காகவே சந்தானம் தாடியுடன் இருப்பதாகவும் கூறப்படுகிறது.
.
மேலும் காமெடியனாக இருந்தாலும், ஹீரோவாக இருந்தாலும் நகைச்சுவைக்கு மட்டுமே இதுவரை முக்கியத்துவம் கொடுத்து வந்த சந்தானம், இந்த படத்தில் முதல்முறையாக திகில் மற்றும் ஹாரர் கதையம்சம் கொண்ட படத்தில் நடிக்கவுள்ளதாகவும் கூறப்படுகிறது. இந்த படத்தின் ஆரம்பகட்ட பணிகள் ஏற்கனவே தொடங்கிவிட்டதாகவும், 'இனிமே இப்படித்தான்' படம் போலவே இந்த படத்தையும் சந்தானம் அவர்களே தயாரிப்பார் என்றும் கூறப்படுகிறது.