விக்னேஷ் சிவன் இயக்கத்தில் விஜய்சேதுபதி, நயன்தாரா நடித்த 'நானும் ரெளடிதான்' படத்தி நடித்திருந்த ராகுல் தாத்தா நடிப்பில் பின்னி பெடலெடுத்திருப்பார் என்பது தெரிந்ததே. சிவாஜி, எம்ஜிஆருடன் நடித்த சீனியர் நடிகரான இவர் சமீபத்தில் அளித்த ஒரு பேட்டியில் 'நயன்தாராவுடன் நான் டான்ஸ் ஆடியதால் அவருடைய அன்புக்குரியவரான விக்னேஷ் சிவனுக்கு என் மீது கோபம்' என்று நகைச்சுவையாக கூறினார்.

சமீபத்தில் ஒரு தொலைக்காட்சியில் நயன்தாராவுக்கு காதல் கடிதம் எழுதி நயன்தாராவையே அசரவைத்த இந்த ராகுல் தாத்தாவுக்கு ஒரு பெரிய ஆசையாம். தான் இயக்கும் படம் ஒன்றில் விஜய்சேதுபதியும், நயன்தாராவும் கணவன், மனைவியாக நடிக்க வேண்டும் என்றும், அந்த படத்தில் தான் விஜய்சேதுபதியின் அப்பாவாக நடிக்க வேண்டும் என்றும் ஆசையாம்,

ராகுல் தாத்தாவின் ஆசையை விஜய்சேதுபதியும், நயன்தாராவும் நனவாக்குவார்களா? என்பதை பொறுத்திருந்து பார்ப்போம்