காதலிக்க நேரமில்லை, அதே கண்கள், நான், நிமிர்ந்து நில், மூன்றெழுத்து, ஊமை விழிகள் உள்பட பல வெற்றிப்படங்களில் நடித்தவர் பழம்பெரும் நடிகர் ரவிச்சந்திரன். இவருக்கு ஹம்சவர்தன், ஜார்ஜ் விஷ்ணு, பாலாஜி ஆகிய மூன்று மகன்களும், லாவண்யா என்ற மகளும் உள்ளனர். இவர்களில் ஹம்சவர்தன், ஜார்ஜ் ஆகிய இருவரும் நடிகர்களாக உள்ளனர். மேலும் இவருடைய பேத்தி தன்யா, சசிகுமாரின் 'பலே வெள்ளையத்தேவா மற்றும் விஜய்சேதுபதியின் 'கருப்பன்' ஆகிய படங்களில் நடித்துள்ளார்.

இந்த நிலையில் ரவிச்சந்திரன் மகனும் தொழிலதிபருமான பாலாஜி அவர்கள் இன்று திடீரென காலமானார். பாலாஜியின் மறைவு அவரது குடும்பத்தினர்களை அதிர்ச்சி அடைய செய்துள்ளது. இவரது மறைவிற்கு திரையுலக பிரபலங்கள் இரங்கல் தெரிவித்து வருகின்றனர்.

மறைந்த பாலாஜியின் உடல் சென்னையில் உள்ள அவரது வீட்டில் பொதுமக்கள் அஞ்சலிக்காக வைக்கப்பட்டுள்ளது.