எஸ் ஏ சந்திரசேகர் இயக்கிய ’நிலவே மலரே’ என்ற திரைப்படத்தின் மூலம் நடிகராக அறிமுகமானவர் நடிகர் ரகுமான். அதன் பின்னர் இவர் பாலச்சந்தரின் ’புதுப்புது அர்த்தங்கள்’ என்ற படத்தின் மூலம் பிரபலமானார் என்பதும் அதன் பின்னர் ஹீரோவாகவும், வில்லனாகவும் குணசித்திர கேரக்டர்களிலும் பல திரைப்படங்களில் நடித்தார் என்பது குறிப்பிடத்தக்கது.

கடந்த 2016ஆம் ஆண்டு ரகுமான் நடித்த ’துருவங்கள் பதினாறு’ என்ற திரைப்படம் நல்ல வரவேற்பை பெற்றது. தற்போது அவரும் ’துப்பறிவாளன் 2’, ‘பொன்னியின் செல்வன்’ உள்பட 5 படங்களுக்கு மேல் நடித்து வருகிறார் என்பது குறிப்பிடத்தக்கது.

இந்த நிலையில் சமீபத்தில் தனது பிறந்தநாளை கொண்டாடிய ரகுமான், தனது குடும்ப புகைப்படத்தை முகநூலில் பதிவு செய்திருந்தார். மனைவி மெஹ்ருன்னிசா மற்றும் மகள்கள் ருஷ்தா ரஹ்மான் மற்றும் ஆலிஷா ரஹ்மான் ஆகியோர்கள் அந்த புகைப்படத்தில் உள்ளனர். இந்த புகைப்படத்தை பார்த்த ரசிகர்கள் ரஹ்மானுக்கு இவ்வளவு பெரிய மகள்களா? என்று ஆச்சரியம் அடைந்து வருகின்றனர். நடிகர் ரகுமானின் மனைவி மெஹ்ருன்னிசா, ஏ.ஆர்.ரஹ்மானின் மனைவியின் சகோதரி என்பது குறிப்பிடத்தக்கது.