முதல்வர் முன்னிலையில் அதிமுகவில் இணைந்தார் ராதாரவி
- IndiaGlitz, [Wednesday,June 12 2019]
சமீபத்தில் நடந்த ஒரு திரைப்பட விழாவில் திமுகவில் இருந்து சஸ்பெண்ட் செய்யப்பட்ட நடிகர் ராதாரவி இன்று முதல்வர் எடப்பாடி பழனிச்சாமி முன்னிலையில் அதிமுகவில் இணைந்தார்.
நடிகர் சங்க தேர்தலை நீதிமன்றம் மூலம் நிறுத்துவோம் என்று சற்றுமுன் பேட்டியளித்த நடிகர் ராதாரவி இன்று திடீரென அதிமுகவில் இணைந்துள்ளது பெரும் பரபரப்பை ஏற்படுத்தியுள்ளது.
முன்னாள் முதல்வர் ஜெயலலிதா இருந்தபோது நடிகர் ராதாரவி ஏற்கனவே அதிமுகவில் இருந்தவர் என்பதும் அவருடைய மறைவிற்கு பின் அதிமுகவில் இருந்து திமுகவில் இணைந்தார் என்பதும் தற்போது மீண்டும் அதிமுகவில் அவர் இணைந்துள்ளார் என்பதும் குறிப்பிடத்தக்கது.