தமிழ் திரை உலகில் தயாரிப்பாளராக வலம் வந்துகொண்டிருந்த ஆர்கே சுரேஷ் தேசிய விருது பெற்ற இயக்குனர் பாலா இயக்கிய ’தாரை தப்பட்டை’ என்ற படத்தில் வில்லனாக நடித்தார். அதன் பிறகு அவர் வில்லனாகவும் நாயகனாகவும் பல படங்களில் நடித்து வந்தார் என்பதும் தற்போதும் ஒரு சில படங்களில் நடித்து வருகிறார் என்பதும் குறிப்பிடத்தக்கது

இந்த நிலையில் கடந்த ஆண்டு லாக்டவுன் நேரத்தில் ஆர்கே சுரேஷ், மாதவி என்ற பெண்ணை திருமணம் செய்து கொண்டார். லாக்டவுன் நேரத்தில் நடந்த திருமணம் என்பதால் சினிமா பிரபலங்கள் யாருக்கும் அழைப்பு விடுக்கப்படவில்லை என்பது குறிப்பிடத்தக்கது.

இந்த நிலையில் தற்போது மாதவி தாய்மை அடைந்துள்ள நிலையில் பிரபல நட்சத்திர ஓட்டலில் நேற்று வளைகாப்பு நிகழ்ச்சி நடந்தது. இந்த நிகழ்ச்சியில் பல திரையுலக பிரபலங்கள் கலந்துகொண்டனர். குறிப்பாக இயக்குனர்கள் எஸ்ஏ சந்திரசேகர், பாக்யராஜ், பாலா, மற்றும் நடிகர்கள் விமல், சூரி, எம்எஸ் பாஸ்கர் உள்ளிட்ட பலர் கலந்து கொண்டு ஆர்கே சுரேஷ்-மாதவி தம்பதிக்கு தங்களுடைய வாழ்த்துக்களை தெரிவித்தனர். இது குறித்த புகைப்படங்கள் தற்போது சமூக வலைதளங்களில் வைரலாகி வருகிறது என்பது குறிப்பிடத்தக்கது