ராமர் நாட்டில் 93, ராவணன் நாட்டில் 51: சுப்பிரமணியன் சுவாமியின் டுவிட்டை டேக் செய்த தமிழ் நடிகர்!
- IndiaGlitz, [Tuesday,February 02 2021]
பாஜக பிரமுகர் சுப்பிரமணியன் சுவாமி அவர்கள் பெட்ரோல் விலை உயர்வு குறித்து பதிவு செய்த ஒரு டுவிட்டை தமிழ் நடிகர் ஒருவர் டேக் செய்துள்ளதால் பெரும் பரபரப்பு ஏற்பட்டுள்ளது.
பெட்ரோல் விலை இந்தியாவில் நாளுக்கு நாள் அதிகரித்துக் கொண்டே வருகிறது. சர்வதேச சந்தையில் கச்சா எண்ணெய் விலை குறைந்த போதிலும் இந்தியாவில் மட்டும் பெட்ரோல் விலை மத்திய மாநில அரசுகள் விதிக்கும் வரிகள் காரணமாக உயர்ந்து கொண்டே உள்ளது.
இதனை எதிர்க்கட்சி அரசியல் தலைவர்கள் கண்டித்து வருகின்றனர். இந்த நிலையில் ஆளும் கட்சியை சேர்ந்த எம்பி சுப்பிரமணியன் சுவாமி அவர்களே இது குறித்து ட்வீட் ஒன்றை பதிவு செய்துள்ளார். அதில் ராமர் பிறந்த இந்தியாவில் பெட்ரோலின் விலை 93 என்றும், சீதா பிறந்த நேபாள் நாட்டில் பெட்ரோல் விலை 53 என்றும், இராவணன் பிறந்த இலங்கையில் பெட்ரோல் விலை 51 என்றும் பதிவு செய்துள்ளார்.
இந்த பதிவை தனது டுவிட்டரில் தமிழ் நடிகர் பிரகாஷ்ராஜ் டேக் செய்துள்ளது பெரும் பரபரப்பை ஏற்படுத்தி உள்ளது. ஒரு சாமானியனின் குரலாக பிரகாஷ்ராஜ் பதிவு செய்துள்ள இந்த டுவீட்டிற்கு பாராட்டுக்களும் குவிந்து வருகிறது என்பது குறிப்பிடத்தக்கது.
#justasking https://t.co/rSel6TTqz2
— Prakash Raj (@prakashraaj) February 2, 2021