விஜய் பட வதந்திக்கு முற்றுப்புள்ளி வைத்த பிரபு
- IndiaGlitz, [Wednesday,December 16 2015]
கடந்த 1992ஆம் ஆண்டு ரஜினிகாந்த், விஜயசாந்தி, குஷ்பு, பண்டரிபாய் நடித்த 'மன்னன்' திரைப்படத்தை பி.வாசு இயக்கியிருந்தார். சிவாஜி புரடொக்ஷன்ஸ் தயாரித்திருந்த இந்த படம் தற்போது ரீமேக் செய்யப்படவிருப்பதாக நேற்று ஒருசில இணையதளங்களிலும், சமூக வலைத்தளங்களிலும் வதந்தி கிளம்பியது
இந்நிலையில் இதுகுறித்து சிவாஜி புரடொக்ஷன்ஸ் சார்பில் நடிகர் பிரபு விளக்கம் அளித்துள்ளார். 'மன்னன்' ரீமேக் குறித்து எங்களிடம் திட்டமும் இல்லை. இதுபோன்ற வதந்திகள் எப்படி உருவாகிறது என்றே தெரியவில்லை' என்று கூறியுள்ளார்.
ஏற்கனவே ரஜினி நடித்த 'மூன்றுமுகம்' ரீமேக்கில் விஜய் நடிக்கவுள்ளதாக கடந்த சில மாதங்களுக்கு முன் வதந்தி பரவிய நிலையில் தற்போது மீண்டும் இந்த 'மன்னன்' ரீமேக் பரவியுள்ளது என்பது குறிப்பிடத்தக்கது. பிரபுவின் விளக்கத்தை அடுத்து இந்த வதந்திக்கு முற்றுப்புள்ளி வைக்கப்பட்டுள்ளதாக கருதப்படுகிறது.