பழம்பெரும் குணச்சித்திர நடிகர் பீலிசிவம் காலமானார்
- IndiaGlitz, [Tuesday,September 26 2017]
ஏராளமான நாடகங்கள், திரைப்படங்கள், தொலைக்காட்சி தொடர்களில் நடித்த பழம்பெரும் குணசித்திர நடிகர் பீலிசிவம் நேற்று காலமானார். அவருக்கு வயது 79.
கடந்த 1938ஆம் ஆண்டு பிறந்த இவர் கடந்த 60 ஆண்டுகளுக்கும் மேலாக நடிப்புத்துறையில் ஈடுபட்டு வந்தார். நாடகத்துறையில் சிறந்து விளங்கிய பீலிசிவம் அவர்களுக்கு கடந்த 1995ஆம் ஆண்டு தமிழக அரசு கலைமாமணி விருது அளித்து கெளரவித்தது
குணசித்திர கேரக்டர்களில் தனக்கென தனி பாதை அமைத்து நடிப்பை வெளிப்படுத்திய பீலிசிவம் அவர்களுக்கு திரையுலகினர் அஞ்சலி செலுத்தி வருகின்றனர். அவருடைய இறுதிச்சடங்கு இன்று காலை 11 மணிக்கு கோவையில் நடைபெறும் என்று அறிவிக்கப்பட்டுள்ளது. பீலிசிவம் அவர்களின் ஆன்மா சாந்தி அடைய அனைவரும் இறைவனை பிரார்த்தனை செய்வோம்.