நகைச்சுவை நடிகர் பெற்ற மூன்றாவது இளங்கலை பட்டம்: ரசிகர்கள் வாழ்த்து..!
- IndiaGlitz, [Monday,December 25 2023]
தமிழ் திரையுலகில் நகைச்சுவை நடிகர் முத்துக்காளை தமிழ் இலக்கியத்தில் பட்டப்படிப்பு முடித்து விட்டதை அடுத்து அவருக்கு திரையுலகினர் மற்றும் ரசிகர்கள் வாழ்த்துக்களை தெரிவித்து வருகின்றனர்.
நகைச்சுவை நடிகர்களில் ஒருவர் முத்துக்காளை, வைகைப்புயல் வடிவேலுவுடன் இணைந்தும் தனியாகவும் ஏராளமான படங்களில் நடித்துள்ளார். அவரது நகைச்சுவை காட்சிகள் விழுந்து விழுந்து சிரிக்க வைக்கும் அளவுக்கு இருக்கும்.
விருதுநகர் மாவட்டம் ராஜபாளையத்தை சேர்ந்த முத்துக்காளை சண்டை பயிற்சியாளராக வேண்டும் என்ற கனவில் சென்னை வந்தார். 18வது வயதில் கராத்தே பிளாக் பெல்ட் பெற்ற இவர் ’பொன்மனம்’ என்ற திரைப்படத்தின் மூலம் நடிகராக அறிமுகமாகி அதன் பின்னர் ஏராளமான படங்களில் வடிவேலுவுடன் இணைந்து நகைச்சுவை காட்சிகளில் நடித்துள்ளார்.
இந்நிலையில் தமிழ் இலக்கிய தேர்வில் முதல் நிலையில் வெற்றி பெற்று மூன்றாவது பட்டத்தை பெற்று அசத்தியுள்ளார். ஏற்கனவே 2017 பிஏ தமிழ் வரலாற்றில் இரண்டாம் வகுப்பிலும், 2019 ஆம் ஆண்டு எம்ஏ தமிழ் முதல் வகுப்பில் தேர்ச்சி பெற்றுள்ள முத்துக்காளை தற்போது அவர் இளங்கலை தமிழ் இலக்கிய தேர்வில் (B.Lit) பட்டம் பெற்றதை அடுத்து அவருக்கு வாழ்த்துக்கள் குவிந்து வருகிறது.