நானும் ரஜினியும் கலியுக துரியோதனன்-கர்ணன். பிரபல நடிகர்
- IndiaGlitz, [Tuesday,September 06 2016]
சூப்பர் ஸ்டார் ரஜினிகாந்த் அவர்களின் நெருங்கிய நண்பரும், பிரபல தெலுங்கு நடிகருமான மோகன்பாபு சமீபத்தில் ரஜினியை சந்தித்து உடல்நலம் விசாரித்தார். பல வருடங்களாக ரஜினியும் மோகன்பாபும் சிறந்த நண்பர்கள் என்பதால் நீண்ட இடைவெளிக்கு பின்னர் நடந்த இந்த சந்திப்பு இருவருக்கும் நெகிழ்ச்சியை ஏற்படுத்தியது.
இந்த சந்திப்பு குறித்து மோகன்பாபு தனது சமூக வலைத்தளத்தில் கூறியபோது, 'எனது உயிர் நண்பரை நேரில் சந்திக்கும் அருமையான சந்தர்ப்பம் கிடைத்தது. அவர் ஒரு அரசர் போல் உள்ளார். இந்த கலியுக யுகத்தில் அவர் ஒரு துரியோதனன் என்றால் நான் அவருக்கு கர்ணன் போல' என்று கூறியுள்ளார்.
கடந்த 1995ஆம் அண்டு வெளிவந்த 'பெத்தராயுடு' திரைப்படத்தில் இருவரும் கடைசியாக இணைந்து நடித்திருந்தனர் என்பதும் இந்த படம் தமிழில் சூப்பர் ஹிட் ஆன 'நாட்டாமை' படத்தின் தெலுங்கு ரீமேக் என்பதும் குறிப்பிடத்தக்கது.