நடிகர் மன்சூர் அலிகான் சென்னை மருத்துவமனையில் அனுமதி!
- IndiaGlitz, [Monday,May 10 2021]
கடந்த சில நாட்களாக தமிழ் திரையுலகினர் பல்வேறு சோதனைகளை சந்தித்து வருகின்றனர். குறிப்பாக கொரோனா பாதிப்பு காரணமாக முக்கிய பிரபலங்கள் பலியாகி கொண்டிருப்பது அதிர்ச்சி மேல் அதிர்ச்சி ஏற்படுத்தியிருக்கிறது.
இந்த நிலையில் சற்று முன் வெளியான தகவலின்படி நடிகர் மன்சூர் அலிகான் உடல்நலக்குறைவு காரணமாக தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். அவருக்கு மருத்துவர்கள் தீவிர சிகிச்சை அளித்து வருவதாக தகவல்கள் வெளிவந்துள்ளன. இதனை அடுத்து திரையுலகினர் அவர் விரைவில் குணமாகி குணமாக வேண்டும் என வாழ்த்து தெரிவித்து வருகின்றனர்.
நடிகர் மன்சூரலிகான் சமீபத்தில் சீமானின் நாம் தமிழர் கட்சியில் இருந்து வெளியேறி தனிக்கட்சி தொடங்கினார் என்பதும், சமீபத்தில் நடைபெற்ற சட்டமன்ற தேர்தலில் தொண்டாமுத்தூர் என்ற தொகுதியில் போட்டியிட்டார் என்பதும் அந்த தொகுதியில் அவர் மிக குறைந்த வாக்குகள் மட்டுமே பெற்றார் என்பது குறிப்பிடத்தக்கது.