சுத்த தமிழில் வாழ்த்து கூறிய மலையாள சூப்பர் ஸ்டார்
- IndiaGlitz, [Saturday,January 21 2017]
ஜல்லிக்கட்டுக்காக அலைகடலென இளைஞர்கள் மற்றும் மாணவர்கள் சென்னை மெரீனாவில் திரண்டு கடந்த ஐந்து நாட்களாக தொடர்ந்து போராட்டம் நடத்தி வருகின்றனர். இந்த போராட்டத்திற்கு கோலிவுட் திரையுலகினர் மட்டுமின்றி மகேஷ்பாபு, பவண்கல்யாண் உள்பட பல தெலுங்கு நட்சத்திரங்களும், பாலிவுட் நட்சத்திரங்களும் தங்கள் ஆதரவை தெரிவித்து வருகின்றனர்.
இந்நிலையில் மலையாள சூப்பர் ஸ்டார் மம்முட்டி சுத்த தமிழில் இளைஞர்களின் போராட்டத்திற்கு ஆதரவு அளித்துள்ளார். அவர் வீடியோ செய்தி ஒன்றில் கூறியிருப்பதாவது:
எந்த ஒரு அரசியல் கட்சியையும் சாராமல், எந்த ஒரு தலைவரின் துணையும் இன்றி, ஆண்-பெண், ஜாதிமத பாகுபாடின்றி, லட்சக்கணக்கான பேர் துளியும் வன்முறை இல்லாமல் தமிழ்நாட்டில் போராடி கொண்டிருக்கின்றார்கள். அவர்களுடைய இந்த போராட்டம் இந்தியாவிற்கே ஒரு எடுத்துக்காட்டு. வாழ்த்துக்கள் தோழர்களே' என்று கூறியுள்ளார்.
Actor @mammukka says TN 's #JusticeForJallikattu peaceful protest by youth is an example for entire India.. pic.twitter.com/KTQdDKIjR8
— Ramesh Bala (@rameshlaus) January 20, 2017