சாதனை செய்த 12 வயது சிறுமியை வாழ்த்திய நடிகர் மாதவன்!
- IndiaGlitz, [Thursday,February 18 2021]
நீச்சல் போட்டியில் சாதனை செய்த 12 வயது சிறுமிக்கு நடிகர் மாதவன் தனது வாழ்த்துக்களை தெரிவித்துள்ளார்
இந்திய கடற்படையைச் சேர்ந்த வீரர் ஒருவரின் 12 வயது மகள் ஜியா ராய் என்பவர் பாந்திரா-வொர்லி என்ற கடல் பகுதியில் உள்ள 36 கிலோ மீட்டர் தூரத்தை 8 மணி நேரம் 40 நிமிடத்தில் நீந்தி சாதனை செய்துள்ளார்.
இதனை அடுத்து அவருக்கு வாழ்த்துக்கள் குவிந்து வருகிறது. இந்த நிலையில் இந்த சாதனையை தனது ட்விட்டர் தளத்தில் குறிப்பிட்டுள்ள நடிகர் மாதவன் தனது வாழ்த்துக்களை அந்த சிறுமிக்கு தெரிவித்துள்ளார்.
நடிகர் மாதவனின் மகன் வேதாந்த் என்பவர் ஏற்கனவே நீச்சல் போட்டி வீரர் என்பதும் அவர் தேசிய ஜூனியர் நீச்சல் போட்டியில் கலந்துகொண்டு தங்கப் பதக்கங்களை வென்றுள்ளார் என்பது குறிப்பிடத்தக்கது. தனது மகன் போலவே இந்திய கடற்படை வீரர் ஒருவரின் மகளும் நீச்சல் போட்டியில் சாதனை புரிந்துள்ளதை அடுத்து நடிகர் மாதவன் தனது வாழ்த்துக்களை தெரிவித்துள்ளார் என்பது குறிப்பிடத்தக்கது.
Wow this is simply fantastic. Congratulations Jiya. https://t.co/KPWwber2UP
— Ranganathan Madhavan (@ActorMadhavan) February 18, 2021