தளபதி 62' படத்தில் இணைந்த முன்னாள் ஹீரோ
- IndiaGlitz, [Friday,April 20 2018]
தளபதி விஜய் நடிப்பில் இயக்குனர் ஏ.ஆர்.முருகதாஸ் இயக்கி வரும் 'தளபதி 62' படத்தின் அடுத்தகட்ட படப்பிடிப்பு கோலிவுட் திரையுலகின் வேலைநிறுத்தம் முடிவுக்கு வந்துவிட்டதால் இம்மாதம் 25ஆம் முதல் தொடங்கவுள்ளதாக செய்திகள் வெளிவந்துள்ளது.
இந்த நிலையில் சொல்லாமலே, சுந்தரபுருஷன் உள்பட ஒருசில படங்களில் ஹீரோவாகவும், பல தமிழ் திரைப்படங்களில் குணசித்திர வேடங்களிலும் நடித்த நடிகர் லிவிங்ஸ்டன் தற்போது 'தளபதி 62' படத்தில் இணைந்துள்ளதாக செய்திகள் வெளிவந்துள்ளது.
லிவிங்ஸ்டன் இந்த படத்தில் விஜய்க்கு ஜோடியாக நடிக்கும் கீர்த்திசுரேஷின் தந்தையாக நடிக்கவுள்ளதாக கூறப்படுகிறது. ஏற்கனவே லிவிங்ஸ்டன், விஜய் நடித்த 'திருப்பாச்சி, காவலன் மற்றும் ஆதி ஆகிய படங்களில் நடித்துள்ளார் என்பது குறிப்பிடத்தக்கது.