முன்னாள் முதல்வரின் மனைவி மீது பாலியல் புகார் தெரிவித்த நடிகர்
- IndiaGlitz, [Saturday,April 06 2019]
ஆந்திர மாநில முன்னாள் முதல்வர் என்.டி.ராமராவ் அவர்களின் இரண்டாவது மனைவி லட்சுமி பார்வதி மீது நடிகர் ஒருவர் பாலியல் புகார் தெரிவித்துள்ளது பெரும் பரபரப்பை ஏற்படுத்தியுள்ளது.
என்.டி.ஆர் மறைவுக்கு பின்னர் 'என்.டி.ஆர் தெலுங்கு தேசம்' என்ற கட்சியை நடத்தி வந்த லட்சுமி பார்வதி, சமீபத்தில் ஒய்.எஸ்.ஆர். காங்கிரஸ் கட்சியில் சேர்ந்தர்.
இந்த நிலையில் தெலுங்கு நடிகர் கோட்டி என்பவர் காவல்நிலையத்தில் லட்சுமி பார்வதி மீது பாலியல் புகார் ஒன்றை அளித்துள்ளார்.
லட்சுமி பார்வதி தன்னை காதலிப்பதாக வாட்ஸ் அப் மூலம் தகவல் அனுப்பி வருவதாகவும், தனது ஆசைக்கு இணங்கினால் கட்சியில் பொறுப்பு வாங்கி தருவதாகவும் இல்லையேல் பயங்கர விளைவுகளை சந்திக்க வேண்டிய நிலை ஏற்படும் என்று மிரட்டுவதாகவும் நடிகர் கோட்டி தனது புகார் மனுவில் தெரிவித்துள்ளார். மேலும் இந்த புகாருக்கான ஆதாரங்களையும் அவர் காவல்துறையினர்களிடம் ஒப்படைத்துள்ளதாக தெரிகிறது.
ஆந்திராவில் பாராளுமன்ற தேர்தலுடன் சட்டமன்ற தேர்தலும் நடைபெறவுள்ள நிலையில் நடிகர் கோட்டியின் இந்த புகாரால் ஆந்திர அரசியல் களம் பரபரப்பாக உள்ளது.