மனைவியுடன் நடிகர் கவின்.. க்யூட் வீடியோ வைரல்..!
- IndiaGlitz, [Wednesday,August 23 2023]
கடந்த இரண்டு நாட்களுக்கு முன்னால் நடிகர் கவின் தனது நீண்ட நாள் தோழியான மோனிகா என்பவரை திருமணம் செய்த நிலையில் இந்த திருமணத்திற்கு சின்னத்திரை உலக மற்றும் பெரிய திரையுலகினர் நேரில் கலந்து கொண்டு வாழ்த்துக்களை தெரிவித்துனர் என்பதை பார்த்தோம்.
இந்த நிலையில் நடிகர் கவின் தற்போது தனது சமூக வலைதளத்தில் மனைவியுடன் இருக்கும் க்யூட் வீடியோவை வெளியிட்டுள்ளார். இந்த வீடியோ தற்போது இணையத்தில் வைரல் ஆகி வருகிறது
திருமணத்திற்கு பின்னர் இருவரும் எடுத்த இந்த வீடியோவில் மணமகன் மணமகள் இருவரும் சிரித்தபடி இருக்கும் காட்சிகள் உள்ளன. மேலும் மனைவியை கையை பிடித்துக் கொண்டு கோவிலுக்கு அழைத்துச் செல்லும் காட்சிகள், இருவரும் மாலை மாற்றி கொள்ளும் காட்சிகள் ஆகியவை க்யூட் ஆக உள்ளன.
மேலும் இந்த திருமணத்தில் கலந்து கொண்ட திரையுலக பிரபலங்கள் நெல்சன், பிரியங்கா மோகன், மாரி செல்வராஜ், விக்னேஷ் சிவன், புகழ் உள்ளிட்டோர் வாழ்த்துக்களை தெரிவிக்கும் காட்சிகளும் உள்ளன. மேலும் இயக்குனர் வெற்றி மாறனும் இந்த திருமணத்தில் கலந்து கொண்டு தனது வாழ்த்துக்களை தெரிவித்தார்.
இந்த க்யூட் வீடியோவை சற்றுமுன் நடிகர் கவின் தனது இன்ஸ்டாகிராம் பக்கத்தில் வெளியிட்டுள்ள நிலையில் இரண்டு லட்சத்திற்கும் அதிகமாக லைக்ஸ், ஆயிரக்கணக்கான கமெண்ட்ஸ் பதிவாகி வருகின்றன.