தமிழகத்தின் அடுத்த முதல்வர் திமுக செயல் தலைவர் மு.க.ஸ்டாலின் தான் என மதிமுக பொதுச்செயலாளர் வைகோ உள்பட பலர் கூறி வரும் நிலையில் திரையுலகில் சிலரும் திமுகவுக்கு ஆதரவு தரவுள்ளதாக கூறப்படுகிறது.

இந்த நிலையில் பிரபல காமெடி நடிகர் கருணாகரன் தனது சமூக வலைத்தளத்தில் திமுகவுக்கு தனது ஆதரவை தெரிவித்துள்ளார். அவர் தனது பதிவு ஒன்றில், 'நண்பர்களே! நான் திமுகவின் ஆதரவாளர் என நீங்கள் சந்தேகப்பட்டால் நீங்கள் சந்தேகப்பட்டது உண்மைதான். நான் திமுகவின் ஆதரவாளர் தான். மு.கஸ்டாலின் அவர்கள் அடுத்த முதல்வராக வர ஆசைப்படுகிறேன்' என்று கூறியுள்ளார்.

திமுகவின் அடுத்த தலைவராக உருவாகி வரும் உதயநிதி ஸ்டாலினுடன் நெருங்கிய நட்பு கொண்ட கருணாகரன், திமுகவை ஆதரித்ததில் ஆச்சரியம் இல்லை என்று நெட்டிசன்கள் கருத்து கூறி வருகின்றனர். உதயநிதியுடன் கருணாகரன், 'நண்பேண்டா', 'கெத்து' மற்றும் 'நிமிர்' ஆகிய படங்களில் நடித்துள்ளார் என்பது குறிப்பிடத்தக்கது.