நடிகர் கார்த்தியின் இரண்டாவது குழந்தையின் பெயர்: டுவிட்டரில் அறிவிப்பு!
- IndiaGlitz, [Wednesday,March 17 2021]
தமிழ் திரை உலகின் இளையதலைமுறை நடிகர்களில் ஒருவரான கார்த்தி அவர்களுக்கு கடந்த சில மாதங்களுக்கு முன் இரண்டாவது குழந்தை பிறந்தது என்றும் இதுகுறித்த தகவல் அவருடைய டுவிட்டர் பக்கத்தில் தெரிவிக்கப்பட்டிருந்தது என்பதும் தெரிந்ததே.
இந்த நிலையில் தற்போது கார்த்தி தனது குழந்தைக்கு பெயர் வைத்துள்ளார். தனது குழந்தைக்கு ’கந்தன்’ என்று அவர் பெயர் வைத்துள்ளதாக தனது டுவிட்டர் பக்கத்தில் கார்த்தி அறிவித்துள்ளார். இதுகுறித்து அவர் தனது டுவிட்டரில் கூறியிருப்பதாவது: என் கண்ணா, அம்மாவும் அக்காவும் நானும் உனக்கு மிக ஆசையாக ’கந்தன்’ என்று பெயர் சூட்டி இருக்கிறோம். உன் வருகையால் நம் சுற்றம் மேலும் இனிமையாகட்டும், அன்புடன் அப்பா’ என்று குறிப்பிட்டுள்ளார்.
மேலும் தனது குழந்தையின் ’கை’ உள்ள புகைப்படம் ஒன்றையும் அவர் பதிவு செய்துள்ளார் என்பதும் இந்த டுவிட் தற்போது வைரலாகி வருகிறது என்பதும் குறிப்பிடத்தக்கது. கடந்த 2011ம் ஆண்டு ரஞ்சனி என்ற பெண்ணை திருமணம் செய்து கொண்ட கார்த்திக்கு ஏற்கனவே உமையாள் என்ற பெண் குழந்தை உள்ளது என்பது குறிப்பிடத்தக்கது.
நடிகர் கார்த்தி தற்போது ’சுல்தான்’ என்ற திரைப்படத்தில் நடித்து முடித்துள்ளார் என்பதும் இந்த திரைப்படம் அடுத்த மாதம் வெளியாக உள்ளது என்பதும் குறிப்பிடத்தக்கது. அதுமட்டுமின்றி மணிரத்னம் இயக்கிவரும் ’பொன்னியின் செல்வன்’ திரைப்படத்தில் வந்தியத்தேவன் என்ற கேரக்டரில் கார்த்தி நடித்து வருகிறார் என்பது தெரிந்ததே
கண்ணா,
— Actor Karthi (@Karthi_Offl) March 17, 2021
அம்மாவும், அக்காவும், நானும் உனக்கு மிக ஆசையாக "கந்தன்" என்று பெயர் சூட்டி இருக்கிறோம். உன் வருகையால், நம் சுற்றம் மேலும் இனிமையாகட்டும்.
அன்புடன்...
அப்பா. pic.twitter.com/O6UvID6b7X