தளபதி விஜய்யின் மக்கள் இயக்கத்தின் சார்பில் நேற்று முதல் விஜய் பயிலரங்கம் என்ற இரவு நேர பாடசாலை தொடங்கப்பட்டுள்ள நிலையில் இது குறித்து நடிகர் கார்த்தி தனது கருத்தை தெரிவித்துள்ளார்.

சிவக்குமார் கல்வி அறக்கட்டளையின் 44 வது ஆண்டு விழா இன்று சென்னையில் நடந்த நிலையில் அதில் சிவகுமார், சூர்யா, கார்த்தி ஆகியோர் கலந்து கொண்டனர். இந்த நிகழ்ச்சியில் நடிகர் கார்த்தி பேசும்போது ’ஒரு குடும்பத்தில் ஒரு பையன் படித்தால் அந்த குடும்பம் மட்டுமல்ல அந்த தலைமுறையை பயன்பெறும் என்றும் அப்படிப்பட்ட குடும்பம் தான் எங்கள் குடும்பம் என்றும் கூறினார்

1980களில் எம்ஜிஆர் மூலம் தொடங்கப்பட்ட சிவகுமார் கல்வி அறக்கட்டளையில் இப்போது ஏராளமான மாணவர்கள் படித்து வருகின்றனர் என்பதும் அந்த மாணவர்கள் சாதனை செய்து வருவது மகிழ்ச்சியாக இருக்கிறது என்றும் கூறினார்.

அதன்பின் செய்தியாளர்களை கார்த்தி சந்தித்தபோது ’விஜய் பயிலரங்கம் நல்ல விஷயம் என்றும், விஜய் அண்ணா செய்வது மிகவும் மகிழ்ச்சி என்றும் ஆனால் இது பத்தாது என்றும், ஏனெனில் இங்கு அவ்வளவு தேவை உள்ளது என்றும் தெரிவித்தார்.