’ஓய், உம்மை பிளாக் பண்ணவும், முடியவில்லை ரிப்போர்ட் பண்ணவும் முடியவில்லை சரியான தொல்லையப்பா’ என நடிகர் கார்த்தி தனது டுவிட்டரில் பதிவு செய்துள்ளது பரபரப்பை ஏற்படுத்தி உள்ளது.

மணிரத்னம் இயக்கத்தில் லைகா நிறுவனத்தின் சுபாஷ்கரன் தயாரிப்பில் உருவாகியுள்ள ’பொன்னியின் செல்வன்’ திரைப்படம் வரும் 30ஆம் தேதி வெளியாக உள்ளது என்பது தெரிந்ததே

தமிழ் உள்பட 5 மொழிகளில் வெளியாகயிருக்கும் இந்த படத்தில் நடித்த நடிகர்களின் கேரக்டர் குறித்த போஸ்டர்கள் கடந்த சில நாள்களாக வெளியாகி ரசிகர்கள் மத்தியில் பெரும் வரவேற்பு பெற்று வருகிறது என்பதை பார்த்து வருகிறோம்

அந்த வகையில் சற்றுமுன் லைகா நிறுவனம் தனது சமூக வலைதளப் பக்கத்தில் ’பொன்னியின் செல்வன்’ திரைப்படத்தில் ஆழ்வார்க்கடியான் என்ற கேரக்டரில் நடித்துள்ள நடிகர் ஜெயராமின் போஸ்டரை வெளியிட்டுள்ளது. இவரிடம் எந்த ஒரு ரகசியமும் தப்பிக்க முடியாது என்றும் மிகச் சிறந்த உளவாளி என்றும் இந்த போஸ்டருக்கு கேப்ஷனாக கொடுக்கப்பட்டுள்ள நிலையில் நடிகர் கார்த்தி இந்த போஸ்டர் குறித்து தனது டுவிட்டரில் பதிவு செய்துள்ளார். அதில் அவர் கூறியிருப்பதாவது:

ஓய் நம்பி இங்கேயும் வந்துவிட்டாயா…. உம்மை மட்டும் block செய்யவும் முடியவில்லை report பண்ணவும் முடியவில்லை….சரியான தொல்லையப்பா.

ஓய் நம்பி இங்கேயும் வந்துவிட்டாயா…. உம்மை மட்டும் block செய்யவும் முடியவில்லை report பண்ணவும் முடியவில்லை….சரியான தொல்லையப்பா. #ActorJayaram??‍?? https://t.co/1TvBBD2L5d

— Actor Karthi (@Karthi_Offl) September 5, 2022